BE 714 TUHAN NA MARMAHAN HAMI

hitabatak.com > Buku ende > BE 714 TUHAN NA MARMAHAN HAMI

BE 714 TUHAN NA MARMAHAN HAMI

1

Tuhan na marmahan hami, togu hami ruasMon,

Lehon dameMi di hami, angka na hinophopMon.

Tuhan Jesus Sipalua, parmahani ruasMon,

Tuhan Jesus, Siparmahan, parmahani ruasMon.

2

Tuhan Parmahan haposan, dongan na sumurung i,

Sai padao pangunjunan, togu ma na lilu i,

Tuhan Jesus Sipalua, pasupasu ruasMi,

Tuhan Jesus Siparmahan, pasupasu ruasMi.

3

PadanMi huingot hami, na mardosa godang on,

Ias burionMu hami, sian haramunon on.

Tuhan Jesus Sipalua, Ho nampuna hami on,

Tuhan Jesus Sipalua, Ho nampuna hami on.

4

Pabotohon ma tu hami, siradotannami i,

Tuhan gohi rohanami, dohot haholongonMi,

Tuhan Jesus Sipalua, ndang tarasam holongMi,

Tuhan Jesus Sipalua, ndang tarasam holongMi.

 

Baca Juga  BE 263 TUDOS TU GALUMBANG I