1
Na sian ginjang do au ro, barita na imbaru do
Huhut na uli situtu, Huboan tu sude hamu
2
Naung tubu do saborngin on, Anak ni na marbaju on
Anak na uli situtu, Na gabe las ni rohamu
3
I ma Tuhanmu Kristus i, na ro mangontok jea i
Silehon tua di hamu, huhut sisesa dosamu
4
Diboan hangoluan i silua ni AmaNa i
Ai naeng tu harajaon nii pasuangonNa jolma i
5
On ma partinandaan nii Di bara dapotonmu i
Peak di panggagatan do, huhut na binalutan do
6
Boti didok barita i, tinongos tu parmahan i
Tu nasa hajolmaon pe ditongos Debata dope
7
On pe rohangku tanda ma, luhutna i patangkas ma
Ai ise Posoposo i? Jesus alealem do i
8
Tuani ma Ho Jesus ro, dangolhu dieahi Ho
Ndang marsineang rohami di au parhamagoan i.
9
Longang tutu do rohangki marnida pangalahomi
Nang gok di Ho portibi on martohap Ho di dangolhon
10
O Jesus haholonganki bongoti dohot rohangki
Pabali sian i sude na tau mangago au muse
11
Haleluya, Haleluya na ro tu hita Debata
Martua hita baenon ni Saleleng ni leleng na i.
