1

Rohangku sai halashon ma, sude na sian Debata

Luhut denggan basaNa, sai tatap hauma i sude

Nang porlak dohot tombak pe

Na uli do rupana, Na uli do rupana.

2

Sude na di balian i do pasangaphon

Goar ni Tuhanta Debatanta, nang eme na di hauma i

Nang hau sude na rata i

Dipuji do Tuhanta, dipuji do Tuhanta.

3

Nang angka bungabunga pe Na’ndul ummuli sasude

Sian na hinadenggan, ni si Salomo raja i,

I do paganda sangap ni

Tuhanta na di ginjang, Tuhanta na di ginjang.

4

Ia mangkuling pidong i, na denggan marsoara i

Tuhanta diendehon, sibigo ambaroba pe

Ro di donganna sasude

Na denggan i begeon, na denggan i begeon

5

Antong, beha ma au disi, tung sip ma au umbege i?

Palias i rohangku, dibahen i sai dohot au

Tumiru sasudena lao

Mamuji Debatangku, mamuji Debatangku

6

Ia na denggan songon i, di tano on sudena i

Beha tagamon sogot, na uli na di surgo i?

I ma pingkiri rohangki

Tusi ma ho palohot, tusi ma ho palohot

7

I ma tutu, sai naeng tusi, palungunonku tondingki

Tu jolo ni Tuhanku, disi marendende au.

Disi marhasangapon au

Mamuji Debatangku, mamuji Debatangku

 

Baca Juga  BE 554 PUJI HAMU SAI PASANGAP

By Hitabatak

Berbagi informasi menarik tentang Batak.