1
Nang sipata pe idaon, Debatanta manadingkon
Anak haholongan i, tung na so tutu do i.
2
Nang sipata dipabenda, Debata pangurupiNa
Anggo jumpang tingki ni, pintor tongosonNa i.
3
Songon ama di anakna, pangalehon ni Tuhanta
Holan na hasea i, i do lehononNa i.
4
Pos rohangku di Amangku, nang beha hagogotanku
Sai holong rohaNa i, di au on anakNa i.
5
Setan manang musu jolma, nang beha pangarsahina
Mengkel do au mida i, ai mangolu Amangki.
6
Manang ro pe hamatean, ndada olo au tahutan
Hutiopi Jesus i, i do alealengki
7
Asal ma tongtong jambarhu, asi ni rohaM Tuhanku
Nang pe tu udean au, sae do molo Ho di au.
