1
Jesus Tuhanku rajai ma au on
Asa mangihut tu Ho au tongtong
Topot rohangku ingani ma i
Unang be masuk na asing tusi
Jesus pasonang rohangku tongtong
Asa marguru tu Ho au tongtong
2
Tung na godang do pardangolanki
Tagan so Jesus dope tohaphi
Lan hasusaan tongtong ro tu au
Tong do sai asi rohana di au
Sai tong disesa dosangku sude
Hangoluanku Ibana muse.
3
Nang pe mangonggop sibolis di au
Jala magigi musungku di au
Ndada mabiar au pos rohangki
Pangodinganku sai Jesus do i
Asal diida Immanuel i
Ingkon sumurut sude musu i.
4
Na marhaposan tu Jesus tahe
Sai na martua ibana muse
Na marsigantung tu Jesus tutu
Jala marroha na bonar burju
Sonang ibana di portibi on
Sonang nang sogot di surgo tongon.
