BE 20 O JESUS TUHANNAMI

hitabatak.com > Buku ende > BE 20 O JESUS TUHANNAMI

BE 20 O JESUS TUHANNAMI

1

O Jesus Tuhannami, sai tatap hami on

Asi rohaM di hami, palua hami on

2

Naeng ihuthononnami, na pinatikkonMi

Naeng pasidingonnami, sogo ni rohaMi

3

Naeng lam botoonnami, taringot tu sude

Tinaon ni Tuhannami, uju targantung i.

4

Luhutna dosanami, diporsan Ho disi

Unang saut mate hami, dibahen dosa i.

5

On pe o Tuhannami, tumpahi hataMi

Masuk tu rohanami, paian ma disi

 

Baca Juga  BE 720 NAENG MARSINONDANG NGOLUNGKU.