1

Tangihon anggukanggukkon, asi rohaM Jahowa

Mansai tarponjot rohangkon, dibaen godang ni dosa

Tung sura dibaloshon Ho, luhut na sala dompak Ho

Tung ise tartahansa.

2

Ai holan asiasiMi, patupa paruntungan

Indada pambaenannami i, tung pe marhasurungan

Sipuji diri talu do; Ingkon mabiar mida Ho.

Sude marhuhuasi.

3

Debata do haposanki, indada pambaenanku

Na burju do basaNa i, haposan ni rohangku

Sai tongtong do hataNa i, na mangapuli rohangki

I do hupangasahon.

4

Nang salpu ari, borngin pe, so ro dope basaNa

Ndang olo ganggu rohangki, taringot tu gogoNa

Sai songon i ma roha ni, naung tubu sian ginjang i

Debata dihaposi.

5

Nang pe nania dosangki, godang pe hajahaton

Gumodang asiasiMi, na gogo paluahon

Jahowa sai asi rohaM, palua nasa huriaM

Sian sude dosana.

 

Baca Juga  BE 783 TUHAN SITOMPA SALUHUT

By Hitabatak

Berbagi informasi menarik tentang Batak.